75 (In finem. n Ne corrumpas. Psalmus cantici Asaph.) Confitebimur tibi, Deus ; confitebimur, et invocabimus nomen tuum. Narrabimus mirabilia tua
2 Cum accepero tempus, ego justitias judicabo.
3 Liquefacta est terra et omnes qui habitant in ea ; ego confirmavi columnas ejus.
4 Dixi iniquis : Nolite inique agere ; et delinquentibus : Nolite exaltare cornu :
5 Nolite extollere in altum cornu vestrum ; nolite loqui adversus Deum iniquitatem.
6 Quia neque ab oriente, neque ab occidente, neque a desertis montibus [exaltatio] ;
7 Quoniam Deus judex est. Hunc humiliat, et hunc exaltat,
8 Quia calix in manu Domini vini meri, plenus misto. Et inclinavit ex hoc in hoc, verumtamen fæx ejus non est exinanita ; bibent omnes peccatores terræ.
9 Ego autem annuntiabo in seculum ; cantabo Deo Jacob.
10 Et omnia cornua peccatorum confringam, et exaltabuntur cornua justi.
Hieronymus Vulgata - Vide psalmum 74. (IntraText Edition) || Vulgatæ Editionis, Sixti V et Clementis VIII, Anno 2009, R. Conte Editore : SacredBible.org - Vide psalmum 74. || Nova Vulgata Bibliorum Sacrorum Editio.